Главна страница

Добредојдовте на OrthodoxWiki — онлајн православна енциклопедија со слободна содржина отворена за читање и менување. Таа има изданија на 12 различни јазици. Името OrthodoxWiki е кованица од Orthodox, грчки збор што значи „Православно“ и Wiki, хавајски збор што значи „брзо“ а бил присвоен да опише вид соработнички софтвер во кој секој може да придонесува. Техничката поддршка на македонската локализација на Православната енциклопедија ја спроведува тимот на македонскиот православен сајт Православие.мк. Помогнете и вие, со взаемна вера, љубов и труд да го создадеме наjголемиот Православен информативен центар на македонскиот кибер-простор. Почнувајќи од јули ’2007, на OrthodoxWiki на македонски креирани се 690 статии. Доколку сакате, можете веднаш да се регистрирате или најавите и почнете да ги уредувате содржините на Православната енциклопедија. Редакцијата на OrthodoxWiki го избра Свети великомаченик Димитриј Солунски мироточив за свој небесен покровител и застапник во прославувањето на Пресветата Троица и пренесувањето на богатите ризници на Православната Црква. Небесен покровител на глобалниот проект е Свети Јован Дамаскин.

Ве молиме, одвојте дел од вашето време за да прочитате што е, а што не е OrthodoxWiki.

Денес е 7 ноември:
Свети маченици Маркијан и Мартириј; Свети маченик Анастасиј; Света Тавита; Света Матрона исповедничка; Свети Мартириј ѓакон и свети Мартириј затворник во Киевските пештери; Свети Фронт епископ Перигски; Свети Макариј; Свети Филаделф и Поликарп; Свети Минијат Флоренски.
Избрана статија
Светлино тивка (цсл. „Све́те ти́хий“, ст.грч. „Φῶς Ἱλαρόν“, лат. „Lumen Hilare“) е едно од најраните христијански молитвословија од небиблиско потекло кое непрекинато се користи повеќе од 15 века на Вечерната богослужба. Молитвата „Светлино тивка“ за прв пат е забележана во Апостолските Установи кои датираат од доцниот трет и почетокот на четвртиот век по Христа. Сместена е во збирка на песнопенија за коишто авторот на Установите препорачува да се пеат наутро, навечер, пред јадење и при палењето на светилата. Свети Василиј Велики го спомнал ова молитвословие како дел од живото предание. Уште во негово време (средината и крајот на четвртиот век) оваа молитва се сметала за древна. Имено, според едно предание, на Гробот Христов во Ерусалим стоело постојано запалено кандило чија светлина ја символизирала живата Христова Светлина. Христијаните се собирале околу Гробот, а химната „Светлино тивка“ се пеела при изнесувањето на свеќа запалена од кандилото на гробот, чијшто пламен ја повикувал Црквата да Го слави Господа воскреснатиот. „Свете тихиј“ е првото целосно песнопение што може да се смета за такво во денешна смисла на зборот. Се верува дека свети Атиноген, кој се слави на 16 јули според стариот календар, а кој пострадал за време на диоклецијановите прогонства, на патот кон неговото губилиште ја испеал оваа песна. Иконата на којашто е прикажан овој светител ја доловува сцената на еден постар Епископ кој пее додека чека да биде погубен; раката на мачителот, пак, стои парализирана додека свештеномаченикот ја произнесува оваа последна своја молитва. Повеќе
Дали сте знаеле дека...
Првите пет земји со најголем број на православни верници во светот се: Русија, Романија, Грција, Србија и Бугарија. Светиот апостол Урбан, еден од седумдесетмината Христови ученици, бил поставен за епископ на Македонија од страна на светиот апостол Андреј Првоповикан. Светиот Нифонт II Константинополски три пати бил избран за архиепископ Константинополски, а неговата служба траела само четири години, односно прв пат од 1486 до 1488 и втор пат од 1497 до 1498. Кога по трет пат го избрале за архиепископ, светиот Нифонт одбил и се повлекол во манастирот Дионисијат на Света Гора. Шестиот вселенски собор (наречен и Трет Цариградски собор) траел речиси 11 месеци, и тоа од 7 ноември 680г. до 16 септември 681г. На него биле присутни околу 174 епископи, а била осудена монотелитската ерес која се појавила и раширила педесет години порано. Православниот богословски институт „Св. Сергeј“ во Париз, Франција е основан во 1925 година. Познатиот црковен историчар Евсевиј, еп. Кесариски бил роден во Палестина, а се школувал во Ерусалим и Антиохија. Прв епископ Ерусалимски бил св. праведен Јаков, брат Господов, кој истовремено бил еден од седумдесетемина апостоли. Синајскиот манастир на св. вмч-чка Екатерина бил изграден од страна на св. цар Јустинијан I, на местото на кое, според библиското предание, на Мојсеј му се јавил Бог и му ги предал десетте заповеди.