Голем Вход
Голем Вход (грч: Η Μεγάλη είσοδος), е дел од третиот дел на Божествената Литургија - Литургијата на верните, и започнува за време на пеењето на Херувимската песна. На Големиот Вход, Светите Дарови се пренесуваат од жртвеникот на Чесната трпеза. Тој започнува кај жртвеникот, минува низ северните двери на иконостасот, и се завршува со враќање во олтарот, преку Царските двери, до Чесната трпеза.
Совршување на Големиот Вход
Додека се псалмопее Херувимската песна, свештеникот се моли со молитвата на херувимската песна, а ѓаконот ја кади најпрво Трпезата од четирите страни, олтарот и свештенојереите, а потоа, излегувајќи пред дверите, ги кади иконите и народот, молејќи се со зборовите на педесеттиот псалм. По молитвите и кадењето, свештеникот и ѓаконот ја кажуваат Херувимската песна пред Чесниот престол трипати, со кренати раце и творејќи мали поклони. Потоа го целиваат распетието, антиминсот и Престолот. Се поклонуваат кон запад, на народот, барајќи простување, одат до жртвеникот и свештеникот ги кади Светите Дарови. Потоа свештеникот го става дискосот на главата на ѓаконот, а во свои раце го зема путирот. По завршувањето на Херувимската песна, излегуваат преку северните двери да го совршат входот.
| Оваа статија е дел од серијата Света Литургија |
|||||||||||
|---|---|---|---|---|---|---|---|---|---|---|---|
| |||||||||||
