Недела на митарот и фарисејот

Митарот и фарисејот во Храмот

Неделата на митарот и фарисејот претставува почетно поглавје од Посниот Триод, литургиска книга што се користи за време на Великиот пост. Таа е прва од четирите подготвителни недели пред почетокот на Великиот пост. Нејзе ѝ претходи Неделата на Закхеј, а по неа следи Неделата на блудниот син.

Значење

Фокусот на оваа недела е на Евангелието според Лука, 18, 10-14, во која е пренесена параболата за двајцата мажи, од кои едниот е корумпиран митар (цариник), а другиот е фарисеј, надворешно пристоен и праведен религиозен човек. Макар што фарисејот е оправдан пред Законот, неговата гордост заработува осуда од Бога. Митарот пак, иако целосно грешен и виновен, поради неговот смирено просење милост од Бога, бива оправдан според големото човекољубие Божјо.

Средата и петокот што следуваат по оваа недела не се пости, за и на тој начин христијаните да бидат потсетени дека сета нивна аскеза и подвизи, нивната надворешна набожност може да послужат за осуда и вечна погибел, доколку од нив се направи идол и се нема смирение.

Химнографија

Тропар

глас осми

Отвори ми ги дверите на покајанието, Животодавче,

оти утренува духот мој кон светиот Твој храм,

носејќи го храмот (мој) телесен, сиот осквернет:

но како штедар очисти ме,

со благоутробната милост Твоја.

Кондак

глас четврти

Да бегаме од фарисејското високословие,

и да се научиме на височините на смиренословието на митарот,

покајно возвикувајќи:

Спасителу на светот,

очисти го слугата Твој.

Видете исто така

• Велигденски пост