Главна страница

Од Православна-енциклопедија

Добредојдовте на OrthodoxWiki — онлајн православна енциклопедија со слободна содржина отворена за читање и менување. Таа има изданија на 10 различни јазици. Името OrthodoxWiki е кованица од Orthodox, грчки збор што значи „Правoславие“ и Wiki, хавајски збор што значи „брзо“ а бил присвоен да опише вид соработнички софтвер. Помогнете и вие, со взаемна вера, љубов и труд да го создадеме наjголемиот Православен информативен центар на македонскиот кибер-простор. Почнувајќи од јули ’2007, на OrthodoxWiki на македонски креирани се 628 статии. Доколку сакате, можете веднаш да се регистрирате или најавите и почнете да ги уредувате содржините на Православната енциклопедија. Редакцијата на OrthodoxWiki го избра Свети великомаченик Димитриј Солунски мироточив за свој небесен покровител и застапник во прославувањето на Пресветата Троица и пренесувањето на богатите ризници на Православната Црква. Небесен покровител на глобалниот проект е Свети Јован Дамаскин.

Ве молиме, одвојте дел од вашето време за да прочитате што е, а што не е OrthodoxWiki.

прикажи ја страницата без посредство на серверска кеш меморија

Денес е 21 март:
Недела на Света Марија Египетска; Свети Теофилакт, епископ Никомидиски; Свети апостол Ерма (еден од 70-мината); Свети свештеномаченик Теодорит, архиепископ Антиохиски.
Избрана статија
Воскресение Христово Велигденски пост, односно Великиот пост е периодот од четириесет подготвителни денови за Страстна седмица и Пасха. Во Посниот Триод се сместени светите богослужби за време на Великиот пост, како и подготвителните недели кои му претстојат. Светата Четириесетница е востановена во чест и спомен на Страдањата и Воскресението на Господ Исус Христос. Првичната цел на предвелигденскиот пост била насочена кон огласените, кои се припремале да бидат крстени токму на Пасха; оваа првична цел и значење била проширена уште во првите векови, со што и христијаните земале учество во овој пост, со цел да се подготват за Христовото Воскресение. Овој пост е символ на човечковиот живот, кој својата полнота ја доживува во воскресението од мртвите преку Христа и во Христа. Во овој пост Црквата ги повикува своите чеда на засилено покајание и молитва, очистување на умот, срцата, душите и телата и творење на добри дела во подвигот на љубовта, Христа ради. За време на Великиот пост, верните го ограничуваат внесувањето на храна, ја засилуваат домашната и заедничка молитва, се трудат да се каат и да прават добри дела. Внесувањето на храна е ограничено на растенија кои се приготвуваат без употреба на масло. Месото и млечните прозиводи, виното и маслото не се користат во исхраната. Бидејќи строгиот пост е строго канонски забранет во сабота и недела, масло и вино се употребуваат во тие два дена (освен на Велика Сабота). Риба се употребува само на Благовештение и Цветници. Секоја недела од Великиот пост е посветена на празнување на некоја личност или настан. Недела на Православието Недела на Свети Григориј Палама Недела на Чесниот Крст (Крстопоклона недела) Недела на Свети Јован Лествичник Недела на Света Марија Египетска повеќе
Цитат
Оти, со ништо друго смртта не е уништена, и прародителскиот грев не е простен, и адот не е опустошен, и воскресението не е дарувано, и сила нам не ни е дадена да го презреме сето она што е сегашно, па дури и самата смрт, и со ништо друго не е остварено искачувањето кон некогашното блаженство, и портите рајски не се отворени, и нашата природа не е седната на десната страна на Бога, и не сме постанале чеда и наследници Божји, отколку со Крстот на нашиот Господ Исус Христос. Сето тоа е остварено преку Крстот. Оти, сите кои во Христа се крстивме, вели Апостолот, во смртта Негова се крстивме (Рим 6,3). Зошто, вие кои во Христа се крстивте, во Христа се облековте (Гал 3,27). Христос, пак, е Божја сила и Божја премудрост (1 Кор 1,24). Но, видете, смртта Христова, односно Негово Распетие нѐ облече во ипостасната мудрост и сила Божја. „Правилно излагање на Православната вера“ 4,11 Свети Јован Дамаскин