Промени

'''Евангелие''' (грч. εύαγγέλιον - блага, радосна вест), е блага и радосна вест за спасението на човекот преку [[Господ Исус Христос]], ветено за „семето на жената“ (Битие 3,15) на основа на пророштва (Ис 61,1) кои се исполниле во воплотената Втора Личност од [[Пресвета Троица]]. Во смисолот на самиот збор влекува богатата содржина на ветувањето за сеспасителната Божја благодат во Христа (Дап 20,24; Рм 1,1-2; Лк 1,15) и благовеста за Царството Божјо (Лк 6,16, Мт 4,23; 9,35). Христос е центарот на благовеста, на Евангелието, и поради тоа Неговата Личност и Светото Евангелие никогаш не можат да се одделат (Мк 8,35; 10,29). Чекор понапред, Христос е центарот на целото [[Свето Писмо]].

Што се однесува до докажувањето на вистинитоста на Евангелијата, првите три го содржат Христовото претскажување за разрушувањето на Ерусалим, а се напишани пред ова да се случи (70 година). Тоа е очигледно по стилот на изразување, а и според тоа што говори за знаците кои ќе претходат на настанот, отколку за страшната стварност (значи, нуди идна перспектива). Евангелието по Јован, пак, е напишано многу подоцна од првите три, надвор од Палестина, во Ефес. Токму поради тоа, свети апостол Јован детално ји објаснува еврејските изрази и обичаи, затоа што очигледно, биле многу малку познати. Во тоа Евангелие не се збори ниту за разурнувањето на Ерусалимскиот храм и пропаста на државата; значи, авторот го пишувал тоа Евангелие после оваа случка, и затоа не било потребно да ја образложи.

* [[Свето евангелие според Матеја]]

* [[Свето евангелие според Марка]]

* [[Свето евангелие според Лука]]

* [[Свето евангелие според Јована]]

[[Категорија:Свето Писмо]]