Преглед на кодот на Велики Вторник

На '''Велики Вторник''' се споменува Господовото изобличување на книжниците и фарисеите, Неговите беседи и параболи изречени во Ерусалимскиот Храм, за данокот на кесарот, [[воскресение]]то на мртвите, за Страшниот Суд, десетте девојки и талантите, Божественото достоинство на Месијата како и за најголемата заповед на Законот.  

На [[Утрена]]та на овој ден се чита дел од Евангелието според Матеј, каде Господ не еднаш, ами седум пати ги разобличува книжниците и фарисеите, велејќи им„ ''Тешко вам, книжници и фарисеи, лицемери''“. Истовремено, Тој ги разобличува и садукеите (кои не верувале во воскреснување) и закониците. Ова разобличување го завршува со страшните зборови на осуда „''Змии и породи аспидини, како ќе побегнете од пресудата за во пеколот?''“(Матеј 23,33)

На Велики Вторник Господ Христос ја изговорил и беседата на Маслиновата гора за Неговото Второ доаѓање и крајот на светот. По пат, Тој на своите ученици им говорел за разурнувањето на Храмот, што всушност и се исполнило во 70-та година, кога Римјаните го завзеле [[Ерусалим]] и го разурнале. Нешто подоцна, (за време на владеењето на императорот Трајан) биле уништени сите негови траги. Иако војсководецот Тит се заложил храмот, како уметничко чудо да биде зачуван, Божјата волја се исполнила така што од жарче случајно оставено од некој римски војниk, целиот Храм се запалил и изгорел. 

Второто Христово Доаѓање е прикажано преку параболата за десетте девојки, и доаѓањето на Женикот во невестинскиот дом, при што мудрите (далекувидни) пет девојки се вистинските христијани, кои Го чекаат Христос, и имаат вера и љубов, и добри дела, додека „лудите“ се оние христијани по име, кои немаат добри дела, и кои нема да учествуваат на свадбената гозба.  

На [[Вечерна]]та на овој ден за последен пат се извршува великопостното Големо повечерие.

== Химнографија ==
Кондак, глас 2: 
На последниот час, душo, откако се сети и од посекувањето на смоквата се уплаши, со талантот што ти е даден трудољубиво работи, бедна, бдеејќи и велејќи: да не останеме надвор од Христовиот дворец.

== Нов Завет ==
* Утрена: Матеј 22:15-23:39
* Литургија на претходно осветени дарови: Матеј 24:36-26:2
== Стар Завет ==
* Шести Час: Језекиил 1:21-2:1
* Вечерна: Исход 2:5-10; Јов 1:13-22