Промени

Основната улога на ипоѓаконот е да му помага на Епископот за време на Архиерејската Божествена Литургија, помагајќи му во облекувањето, држејќи му ги богослужбените книги, носејќи ги неговите работи, подавајќи му ги дикирите и трикирите итн. Постои посебен чин за ракополагање на ипоѓакон, иако современа пракса е, со благослов на Епископот, аколитот или чтецот да се облечени како ипоѓакони, повремено или постојано. Исто така, иако постои апостолски канон за ипоѓаконите да не смеат да се женат по нивното ракополагање (26 апостолски канон), современата пракса на помесните Цркви го докажува спротивното.

Ипоѓаконот е облечен во стихар, со орар префрлен околу појасот и рамениците во форма на Х-крст; надвор од Црквата, ипоѓаконите носат мантија. Кога не се служи Архиерејска Литургија, ипоѓаконот ја превзема улогата на аколит, помагајќи му на презвитерот во олтарот.