Свети Климент Охридски
Свети Климент Охридски е најдаровитиот ученик на рамноапостолните сесловенски браќа Кирил и Методиј. Живеел во втората половина на IX век и првата четвртина на X век. Со своите уши тој ги слушал нивните божествени евангелски зборови и со своите очи ги гледал нивните богоозарени ликови и евангелски дела.
Дела
Покрај црковните и педагошките дејности, особено учителско проветителски, Свети Климент развил и богата книжевна дејност. Автор е на многу поучни и похвални слова како похвалата на Кирил Филозоф, похвалата на пророкот Захариј и св. Јован Крстител, за свети Кирил и Методиј итн. Но, во неговото творештво преовладуваат поучителните слова кои се однесуваат на општохристијанските светители: Св.Ѓорѓи, Св.Тома, Св.Антониј, потоа слова посветени на Пресвета Богородица и слова посветени за настаните од животот на Господ Исус Христос.
Св. Климент бил и првиот епископ словенски со титула епископ велички.
- Похвала на Кирил Филозоф
- Похвала на словенските учители Кирил и Методиј
- Од опширното житие на Кирил Филозоф
- Од опширното житие на архиепископот моравски Методиј
- Похвално слово на бестелесните Михаил и Гаврил
- Похвално слово за четиридневниот Лазар
- Беседа за блудниот син
Химнографија
Тропар
- глас четврти
- Со зборови си ги упатил народите во верата Божја;
- со делата си се издигнал, преблажен,
- кон божествен и блажен живот.
- Со чудеса си ги просветил оние
- што пристапуваат верно кон тебе,
- со знаменија си ја осветлил темнината.
- Поради тоа го славиме твојот божествен спомен, Клименте.
Кондак
- глас трети
- Твојот храм, свети, како преславен духовен лек се покажа
- на оние кои со вера пристапуваат, зашто мнозина од различни болести избави
- и секакви душевни страсти смири.
- Поради тоа, себлажени, топло те нарекуваме застапник.
