Свети свештеномаченик Еротеј

Од Православна-енциклопедија
Прејди на: содржини, барај

Другар на Св. Дионисиј Ареопагит. Верата ја прими од Св. апостол Павле малку после Дионисиј. Подоцна овој апостол го постави за епископ Атински. Во времето на успението на Пресвета Богородица и Еротеј се јави во Ерусалим и учествуваше во погребот. Со своето Божествено пеење мнозина ги приведе кон срдечно умиление и се покажа себеси како маж вдахновен одозгора. Многу се потруди во делото на Евангелието, многубројни незнабожци ги обрати кон вистината, добро го управуваше своето словесно стадо, и најпосле заврши маченички за Христа, Којшто му даде двоен венец во Царството Небесно: венец на јерарх и венец на маченик.


Оваа статија претставува житие преземено од книгата „Охридски Пролог“ на светиот владика Николај Охридски и Жички. Помогнете да ја прошириме оваа статија.