Свети Јован Кронштатски

Свети Јован Кронштатски

Свети праведен Јован Кронштатски роден на 19 октомври 1829 година во Сур, Архангелска губернија, во богоугодно руско семејство од родители Илија и Теодора. Од 1855 година служеше како свештеник во храмот на светиот апостол Андреј Првоповикан во Кронштат. Токму таму и започна да ги врши делата на милосрдие по кои и многу се прослави. Беше член на десното екстремистичко движење Сојуз на рускиот народ (Сојуз Руского Народа), но не беше политички вклучен. Беше прославен и почитуван уште во времето на неговото претставување пред Бога. Канонизиран е од Руската Задгранична Православна Црква во 1964 година, и во 1990 година од Руската Православна Црква. Вториот по големина манастир во Санкт Петерзбург е посветен на овој светител.

Неговиот спомен се празнува на 20 декември, односно 2 јануари.

Житие

Повеќе од 300 години неговите предци бea свештеници во тој крај. Неговото семејство секогаш ја запазуваше духовната страна и важеше како едно од најправославните христијански семејства во селото Сура. Него ништо не го влечеше кон детските игри, па за време на празниците се шеташе низ шумичката и со задоволство ги гледаше растенијата и животните. Нему уште поблиску му беа Господ и Црквата, бидејќи од најрано детство родителите го водеа во храм на молитва. Сеќавајќи се на тоа време, подоцна пишува: „Сакав да се будам навечер за молитва... кога сите спиеја, кога е тишина. Најмногу и најчесто се молев на Бога да ми ја подари светлината на разумот за утеха на моите родители.“ Детството во родителскиот дом и годините на богословско учење ги помина во голема сиромаштија. Уште од најраната младост беше благословен со благодатни духовни искуства. Уште на шестата година, свети Јован виде ангел во необична светлина, по што затрепери, но ангелот го смири зборувајќи му дека тој е неговиот Ангел - чувар кој што го следи. Кога тргна на училиште, не можеше да разбере што се учи и да се сеќава и со години не можеше да го совлада читањето. Меѓутоа молитвата упатена кон Бога многу му помогна, бидејќи од последен помеѓу неговите другари, тој постана првенец на неговата генерација. Светото Евангелие на Црковнословенски јазик го водеше низ неговиот живот, поседно низ младоста и студиите, за што подоцна и самиот посведочи пред една игуманија. Оттука се запиша во местото Архангелск. Во 1851 година, свети Јован заврши богословија и како најдобар ученик беше испратен на Духовната академија. Малку пред тоа почина неговиот татко, а неговата мајка остана со две малолетни ќерки, без никаква можност да опстане. Поради тоа, свети Јован, посака да ја напушти академијата и да стапи како ѓакон во служба, но тоа не го дозволи неговата мајка. Веднаш потоа беше испратен на духовна академија во Петроград, каде што целосно се посвети на студиите што требаше да го изучува. Благовремено размислуваше и за замонашување, но се увери дека и во таа околина има многу работа за вистинскиот пастир на старото Христово. Во Петроград свети Јован бива ракоположен за свештеник и е испратен на служба да му помага на неговиот дедо во Кронштат.

Подоцна, ја презеде службата како млад свештеник во таа област. Неговата желба беше да живее девствено и во брак, без телесна врска со својата сопруга. На почетокот, таа не сакаше да го прифати тоа, и замина да се пожали на надлежниот архиереј. Тој го повика отец Јован и почна долго да го убедува да се откаже од таа намера, затоа што и самито Бог го осветил и благословил бракот и светото и побожно живеење во брак. Но бидејќи отецот бил упорен, архиерејот му запретил со казна; свети Јован Кронштатски му одговорил дека таква е волјата Божја, а не негова, и дека во тоа ќе биде уверен. На излегување од митрополијата, архиерејот целосно ослепел. Набрзо повикал по Јован, го замолил да му прости и да се помоли за негово оздравување. Откако свети јован се помолил, овој прогледал и ја повикал сопругата на светителот да ја поучи. Таа целосно ги прифатила неговите поуки.

Бог обилно ги изли врз благодатните дарови врз свети Јован Кронштатски. Освен верата, љубов, молитва, целомудрието и незлобивоста, Господ го удостои и со даровите на проникливост и чудотворство. Како таков, непрекинато се оддаваше на молитва за своите парохјани. Пред сѐ, тој се грижеше за децата на сиромашните, секогаш им помагаше на немоќните и целосно се жртвуваше за верниците, кои што беа во таа пароија. Тука луѓето сфатија дека свети Јован е навистина Божји човек и тие му се обраќаа со разни прашања, за да им помогне во нивниот живот. Работеше и како учител по веронаука и подоцна се бараше од него да предава веронаука во Петроградската гимназија. Тој секогаш родителите ги упатуваше како да ги поучуваат своите деца во верата во Бога и се покажа како вистински воспитувач во својата парохија.

Тој не само што беше духовен отец на Кронштат, туку и на целата Русија. Многу луѓе доаѓаа во Кронштат за да добијат совет и благослов од него. Кај царот и архиереите стекна многу голема доверба, бидејќи неговата најосновна грижа беше да живее по Христа. Многу луѓе му се обраќаа, а тој ги водеше кон Христовиот пат, бидејќи ја извршуваше својата свештеничка должност служејќи Му на Бога, а и на луѓето. Измачен од свештеничката служба, се упокои во Господа, во 1908 година, а на 22 Декември неговото тело е пренесено во Светојованскиот манастир, во Петроград. Царот, заедно со останатите тажно ја прифатија смртта на свети Јован.