Кинонија

Кинонија (гр. κοινονια, лат. comunicatio, причестување, заедница) – има повеќе значења:

1. Учествување на оние кои се вотелотворени во нов народ Божји во самата божја стварност, низ Воплотувањето и жртвата на Исуса Христа: „што сме виделе и чуле, вам ви го објавуваме, за да и вие со нас имаете заедница(κοινονια), на нашата заедница(κοινονια)е со Оца и со Синот негов Исус Христос“(1. Јн. 1,3).
2. Заедница на Духот Свет (2. Кор. 13,13), или лично и заедничк искуство на Духот Христов, кое се пројавува во христијанското чувствување на човекољубието, солидарноста, взаемното помагање и давање (Дела 2,42,44).
3. Причестување со Светите Тајни во состав на Евхаристијата (1. Кор. 10,17; Дела 2,42), знак на припадност и исповедање на иста вера(Еф. 4,5).
4. Собирање(συναξις), литургиската заедница, соборот, кој е услов да се учествува во кинонијата.
5. „Заедница на светите“, што го напомнува апостолскиот Символ на верата, е единство на Црквата на оние кои водат борба против злото во ова време и овој век, со Црквата на оние кои веќе конечно стекнале благодатна состојба и непосредна заедница со Бога.
6. Евхаристиско причестување (взаемното причестување) со верните од другите конфесии. Следејќи го древното начело по кое, исповедањето на иста вера претходи и условува на светотаинско причестување (Теодорит, Црквена историја, IV, 16; стр. 119), Православието бара потполно догматско единство пред (претходувајќи на) евхаристиската интеркомунија.